ალკარასი ვარჯიშს დაუბრუნდა და შაბათს ვენაში გაემგზავრება

ალკარასი ავსტრიის დედაქალაქში ხუთი წლის შემდეგ კვლავ ითამაშებს. ის მეორე განთესილი იქნება, რადგან პირველ ნომრად მსოფლიოს მეორე ჩოგანი ალექსანდერ ზვერევი განთესეს. ზვერევმა უკვე გაინაღდა, რომ სეზონს სხვა მოთამაშეებზე წინ დაასრულებს.

MARCA-ს ცნობით, ალკარასი და მისი გუნდი ვენაში ამ შაბათს გაემგზავრებიან. ისინი სადებიუტო მატჩისთვის მოემზადებიან, რომელიც სამშაბათს, 27 ოქტომბერს გაიმართება. შანხაიში ბერგსთან მარცხიდან 15 დღე იქნება გასული.

სამუელ ლოპესის შეგირდს დახურულ დარბაზში მყარ საფარზე სათამაშო პრაქტიკის მიღება სურს. სეზონის ბოლოს მისთვის ყველაზე საინტერესო ორი ტურნირი სწორედ ასეთ პირობებში ჩატარდება: ტურინში ATP-ის ფინალური ტურნირი, 15-დან 22 ნოემბრამდე, და დევისის თასის ფინალური ეტაპი, 24-დან 29 ნოემბრამდე.

მიმდინარე სეზონში კარლიტოსმა დახურულ დარბაზში მყარ საფარზე მხოლოდ ერთი მატჩი ჩაატარა. მან ლონდონში, ლეივერის თასზე, ტეილორ ფრიცი დაამარცხა. ასეთ პირობებში მისი მონაგარი 36 გამარჯვება და 15 მარცხია. შედეგიანობის მაჩვენებელი 70,06%-ია, რაც ყველა საფარს შორის მისთვის ყველაზე დაბალი შედეგია.

ვენის ტურნირის მონაწილეთა სიაში ზვერევისა და ალკარასის გარდა ფლავიო კობოლი, დანიილ მედვედევი, ალექს დე მინაური და ფრენსის ტიაფო არიან. ისინი ATP-ის ფინალურ ტურნირზე მოსახვედრად იბრძვიან.