დუმბიამ ჩემპიონთა ლიგაზე პირველი გოლი გაიტანა

იტალიელმა ნახევარმცველმა სამშაბათს სპორტინგისთვის პირველი გოლი გაიტანა და გუნდს სტუმრად 2:0 მოგებაში დაეხმარა.

22 წლის დუმბიას დებიუტი იტალიის ეროვნულ ნაკრებში ბოლო სანაკრებო პაუზისას ჰქონდა. მან იტალიის ნაკრების ოთხივე შეხვედრაში ითამაშა, სამჯერ შეცვლაზე შევიდა, თურქეთთან ბოლო მატჩი კი სასტარტო შემადგენლობაში დაიწყო.

დუმბიამ Instagram-ზე ზეიმის ფოტოები გააზიარა და დაწერა: „ეს სეზონში ჩემი პირველი გოლია და მის გასატანად ჩემპიონთა ლიგაზე უკეთეს ადგილს ვერ ვინატრებდი“.

მან დასძინა: „განსაკუთრებული ღამე, ენით აღუწერელი გრძნობა და დიდი ბედნიერება მთელი გუნდის თამაშის გამო. ვამაყობ, როგორ ვიბრძოლეთ და ერთად ვითამაშეთ, რადგან საუკეთესო ემოციები ისაა, რომლებსაც ერთმანეთს ვუზიარებთ. ასე გავაგრძელოთ, ლომებო“.

დუმბიას ბოლო პოსტს იტალიის ნაკრების თანაგუნდელებიც, მოჰამედ ალი ზომა და მოიზე კინი, გამოეხმაურნენ. ზომამ დაწერა: „მრავალთაგან პირველი“, ხოლო კინის კომენტარი იყო: „შენ მეფე ხარ“.

დუმბია სპორტინგს გასულ ზაფხულს ვენეციიდან შეუერთდა. მან ვენეციას იტალიის სერია B-დან სერია A-ში აღზევებაში დაეხმარა.

სპორტინგმა მის სანაცვლოდ 20,5 მილიონი ევრო გადაიხადა. დუმბიამ 2031 წლის ივნისამდე მოქმედ კონტრაქტს მოაწერა ხელი.

დუმბიას სპორტინგში ჩატარებულ ათ შეხვედრაში ერთი გოლი და ერთი საგოლე გადაცემა აქვს.