გრეჰემი და კინგჰორნი შოტლანდიის ნაკრების ძირითად შემადგენლობაში დაბრუნდნენ

ლელოების რეკორდსმენი დარსი გრეჰემი და ბლერ კინგჰორნი შოტლანდიის ნაკრების შემადგენლობაში ბრუნდებიან. ისინი კვირას მარეიფილდზე ავსტრალიის წინააღმდეგ ერთა ჩემპიონატის მატჩს დაიწყებენ, რომელიც გრინვიჩის დროით 15:10 საათზე გაიმართება.

კინგჰორნი სრულად მცველის პოზიციაზე კაილ როუს შეცვლის, რომელიც განაცხადში ვერ მოხვდა. გრეჰემის ფრთაზე დასაყენებლად კი ჯეიმი დობის სათადარიგოთა სკამზე გადაყვანა გახდა საჭირო.

29 წლის გრეჰემს შემოდგომის ტესტ-მატჩების გამოტოვება ელოდა, თუმცა ბიცეფსის კუნთის გაწყვეტის შემდეგ მოსალოდნელზე სწრაფად გამოჯანმრთელდა და გასულ თვეს ედინბურგის შემადგენლობაში დაბრუნდა. მას სანაკრებო დონეზე ჩატარებულ 57 მატჩში 38 ლელო აქვს გატანილი. ტულუზის მოთამაშე კინგჰორნს კი 69 სანაკრებო მატჩში 16 ლელო აქვს გატანილი.

საწყის შემადგენლობაში ცვლილება არ არის. უკანა ხაზის მოთამაშე ოლი ლეზერბეროუ კი შესაძლოა სათადარიგოთა სკამიდან სადებიუტო მატჩში ჩაერთოს.

შოტლანდიელები გასულ უქმეებზე ედინბურგში ახალ ზელანდიასთან დამარცხდნენ. ავსტრალიის ნაკრებმა კი ტვიკენჰემზე ინგლისთან წააგო.

შოტლანდია: ბლერ კინგჰორნი, კაილ სტეინი, სიონე ტუიპულოტუ (კაპიტანი), დარსი გრეჰემი, ფინ რასელი, ბენ უაიტი; რორი საზერლენდი, იუან ეშმანი, ზანდერ ფერგიუსონი, გრეგორ ბრაუნი, სკოტ კამინგსი, მეტ ფერგიუსონი, რორი დარჯი, ჯეკ დემპსი.

სათადარიგოები: გრეგორ ჰიდლსტონი, პიერ შოემანი, უილ ჰერდი, მაქს უილიამსონი, ჯოშ ბეილისი, ოლი ლეზერბეროუ, ჯეიმი დობი, ტომ ჯორდანი.

ავსტრალია: ტომ რაიტი, მაქს იორგენსენი, ჯოზეფ-აუკუსო სუალიი, ლენ იჯიტაუ, ჰარი პოტერი, კარტერ გორდონი, რაიან ლონერგანი; ანგუს ბელი, ბილი პოლარდი, ალან ალაალატოა, ჯოშ კანჰემი, ჯერემი უილიამსი, რობ ვალეტინი, ფრეიზერ მაკრეიტი, ჰარი უილსონი (კაპიტანი).

სათადარიგოები: ბრენდონ პაენგა-ამოსა, აიზეკ კაილეა, ტანიელა ტუპუ, ლაჩლან შოუ, ტომ ჰუპერი, ტეიტ მაკდერმოტი, ბენ დონალდსონი, ფილიპო დაუგუნუ.