ლუის-სკელი Golden Boy-ის 25 ფინალისტს შორის მოხვდა

არსენალისა (Arsenal) და ინგლისის ნახევარმცველი მაილს ლუის-სკელი წლევანდელი Golden Boy-ის 25-კაციან მოკლე სიაში შეიყვანეს.

20 წლის ფეხბურთელი პრიზისთვის მებრძოლი პრემიერ-ლიგის რვა მოთამაშიდან ერთ-ერთია. იტალიური გამოცემა Tuttosport-ის მიერ დაწესებული ჯილდო ევროპის 21 წლამდე ასაკის საუკეთესო ფეხბურთელს გადაეცემა.

ბორნმუთსა (Bournemouth) და ბრაიტონს (Brighton) ფინალისტებს შორის ორ-ორი მოთამაშე ჰყავთ. ამგვარად, ისინი პრემიერ-ლიგის წარმომადგენელთა ნახევარს შეადგენენ. ბორნმუთიდან კანდიდატები ელი ჟუნიორ კრუპი და რაიანი არიან, ბრაიტონიდან კი ლუკა ვუშკოვიჩი და ხარალამბოს კოსტულასი.

ჩელსისაც ორი კანდიდატი ჰყავს: ესტევაო ვილიანი და იორელ ჰატო. სიაში პრემიერ-ლიგის კიდევ ერთი ფეხბურთელი მანჩესტერ სიტის ზაფხულის შენაძენი აიუბ ბუადია.

წლევანდელი ოქროს ბურთის უპირობო ფავორიტი ლამინ იამალი კანდიდატი ვერ იქნება, რადგან ეს ჯილდო უკვე მოიგო.

თუმცა მის თანაგუნდელს ესპანეთის ნაკრებსა და ბარსელონაში, პაუ კუბარსის, გამარჯვების ერთ-ერთ მთავარ პრეტენდენტად მიიჩნევენ. კუბარსი ზაფხულის მსოფლიო ჩემპიონატის საუკეთესო ახალგაზრდა ფეხბურთელად დაასახელეს.

ბარსელონას მოკლე სიაში ყველა სხვა კლუბზე მეტი, სამი ფეხბურთელი ჰყავს. კანდიდატებს შორის მარკ ბერნალი და ჩავი ესპარტიც მოხვდნენ.

რეალ მადრიდს ორი კანდიდატი ჰყავს: იან დიომანდე და ენდრიკი. სიაში პარი სენ-ჟერმენის ვარენ ზაირ-ემერი და ბაიერნის ლენარტ კარლიც მოხვდნენ.

ფრანკო მასტანტუონო, ფიორენტინა (Fiorentina), რეალ მადრიდიდან იჯარით.