სასუოლომ ალბერტო აკვილანი ხუთი მარცხის შემდეგ გაათავისუფლა

სასუოლომ ოფიციალურად გამოაცხადა, რომ მთავარი მწვრთნელი ალბერტო აკვილანი თანამდებობიდან გაათავისუფლა. გადაწყვეტილება სერია A-ში ზედიზედ ხუთი მარცხის შემდეგ მიიღეს. შემცვლელის მთავარი კანდიდატი რობერტო დ’ავერსაა, ვინჩენცო მონტელაზე წინ.

გადაწყვეტილება მოსალოდნელი იყო რომასთან 3:0 წაგების შემდეგ. ეს აკვილანის ყოფილ კლუბთან მატჩი იყო. ამ შედეგის შემდეგ სეზონში მისი ანგარიში სერია A-სა და იტალიის თასზე ოთხი მოგება, ორი ფრე და შვიდი მარცხი გახდა.

მისთვის ეს მწვრთნელის რანგში უმაღლეს ლიგაში პირველი გამოცდილება იყო. მანამდე აკვილანი სერია B-ში პიზასა და კატანძაროს წვრთნიდა, მანამდე კი ფიორენტინას ახალგაზრდულ აკადემიაში მუშაობდა.

აკვილანი ზაფხულში ფაბიო გროსოს შემცვლელად დანიშნეს. მან 2028 წლის ივნისამდე გააფორმა კონტრაქტი და სეზონი საკმაოდ კარგად დაიწყო. გამორჩეული შედეგი 13 სექტემბერს იუვენტუსთან 3:2 მოგება იყო.

ეს სიხარულის უკანასკნელი მომენტიც აღმოჩნდა. მას მილანთან 1:1 ფრე და ექვსი მარცხი მოჰყვა.

ფართოდ გავრცელებული ცნობებით, შემცვლელის მთავარი კანდიდატი რობერტო დ’ავერსაა. თუმცა, ჯერჯერობით სასუოლოს მხოლოდ ის აქვს გამოცხადებული, რომ აკვილანი თანამდებობიდან გაათავისუფლა.

კიდევ ერთი შესაძლო კანდიდატი თურქეთის ნაკრების ყოფილი მწვრთნელი ვინჩენცო მონტელაა.