UMG და ElevenLabs ხელოვნური ინტელექტის მუსიკალურ პლატფორმას ქმნიან

Universal Music Group-მა (UMG) ხელოვნურ ინტელექტთან თანამშრომლობის გზა იპოვა. მუსიკალურმა კომპანიამ ხუთშაბათს ხმოვანი ხელოვნური ინტელექტის კომპანია ElevenLabs-თან პარტნიორობა გამოაცხადა. მომხმარებლებს მისი მუსიკალური კატალოგით რემიქსებისა და სიმღერების ახალი ვერსიების შექმნა შეეძლებათ, თუმცა შემსრულებლები მონაწილეობას თავად უნდა დათანხმდნენ. პლატფორმა შემსრულებლებს აუდიოპროექტების განვითარებაშიც დაეხმარება. ამ განცხადებამდე მუსიკისა და ხელოვნური ინტელექტის სფეროში კიდევ ერთი მნიშვნელოვანი პარტნიორობა შედგა. ხელოვნური ინტელექტის მუსიკალურმა კომპანია Suno-მ Warner Music-სა და BMG-სთან პარტნიორობით თავისი პირველი მუსიკალური მოდელი გამოუშვა. ის მომხმარებლებს მონაწილე შემსრულებლების შემოქმედებით შთაგონებული მუსიკის შექმნის საშუალებასაც აძლევს.

მუსიკის მოყვარულები ხელოვნური ინტელექტით შექმნილ მუსიკას, როგორც წესი, უარყოფითად ხვდებიან. დარგის ხელმძღვანელები ამ ტექნოლოგიის დანერგვაზე მუშაობენ, რათა შემსრულებლებმა შემოსავალი ან საკუთარ ნამუშევრებზე კონტროლი არ დაკარგონ. სალიცენზიო შეთანხმებების მიზანი მხოლოდ ის არ არის, რომ ხელოვნური ინტელექტის მუსიკალური კომპანიები სასამართლო დავების სამიზნეებიდან მუსიკის საფასურის გადამხდელ მომხმარებლებად იქცნენ. UMG-მ, Sony-მ და Warner-მა Suno-ს 2024 წელს უჩივლეს, თუმცა Warner-მა დავა გასული წლის ბოლოს შეწყვიტა. კომპანიები ასევე ვარაუდობენ, რომ მსმენელებისთვის ტექნოლოგიის გამოყენების შესაძლებლობა მის ირგვლივ გაურკვევლობას შეამცირებს. მათი გათვლით, ამან მომავალში ხელოვნური ინტელექტის დახმარებით შექმნილი მუსიკის მიმართ მეტი ადამიანის დამოკიდებულება შეიძლება შეცვალოს.