არტეტა ჩემპიონ არსენალთან ახალ კონტრაქტზე შეთანხმდა

პრემიერ-ლიგის ჩემპიონ არსენალის მთავარმა მწვრთნელმა მიკელ არტეტამ კლუბთან გაუმჯობესებულ ახალ კონტრაქტზე შეთანხმებას მიაღწია.

ესპანელი მწვრთნელის მოქმედი ხელშეკრულება მიმდინარე სეზონის ბოლოს იწურება. თუმცა, ახალ კონტრაქტზე მოლაპარაკებები უკვე რამდენიმე თვეა მიმდინარეობს.

ბი-ბი-სის სპორტის რედაქციამ ამ თვის დასაწყისში გაავრცელა ინფორმაცია, რომ ყველა მხარე შეთანხმებასთან ახლოს იყო.

ახლა ცნობილი გახდა, რომ არტეტამ არსენალთან საბოლოო შეთანხმებას მიაღწია და კლუბში დარჩენის ვადას გაახანგრძლივებს.

მისი ახალი კონტრაქტის ხანგრძლივობა დადასტურებული არ არის. თუმცა, ის კლუბში მუშაობას სულ მცირე მე-10 წლამდე გააგრძელებს. არტეტა არსენალს 2019 წლის დეკემბერში შეუერთდა.

ახალი ხელშეკრულება მის ამჟამინდელ ანაზღაურებას მკვეთრად გაზრდის. არტეტა წელიწადში 10 მილიონ ფუნტს იღებს, რასაც დამატებით 5 მილიონი ფუნტის ოდენობის პრემიები ემატება.

არტეტამ გასულ კვირას კონტრაქტზე მოლაპარაკებების შესახებ თქვა: „მათ, გულშემატკივრებს, ამ საკითხზე ნერვიულობა არ სჭირდებათ, რადგან აქ დარჩენა მსურს. ძალიან ბედნიერი ვარ და უზომოდ მადლიერი ვარ, რომ ამ ადამიანებთან მუშაობის შესაძლებლობა მაქვს“.

არსენალი სათანადო პირობებში დაუმანის იჯარით გაშვებისთვის მზადაა

არტეტა: ბრაიტონთან მტკივნეული მარცხი არსენალისთვის „დიდი გაკვეთილია“