აშშ-მა ახლო აღმოსავლეთში მოქალაქეებისთვის საგანგებო გაფრთხილება გამოსცა

გაფრთხილებებში აშშ-ის ყველა მოქალაქეს ჰუსიებსა და ირანთან დაკავშირებული სამხედრო ესკალაციის რისკის შესახებ აფრთხილებენ. მათ შესაძლოა ფრენების გაუქმება, საჰაერო სივრცის დახურვა და მგზავრობის შეფერხება შეეხოთ.

12 ქვეყნის მომცველი გაფრთხილების თანახმად, „საბრძოლო მოქმედებები შესაძლოა სწრაფად გასცდეს უშუალოდ ამ ტერიტორიას“. მოქალაქეებს ასევე მოუწოდეს, „საგანგებო გეგმები წინასწარ შეიმუშაონ“.

გაფრთხილებაში ნათქვამია: „ირანმა და მისმა მხარდამჭერმა ჯგუფებმა შესაძლოა საზღვარგარეთ აშშ-ის სხვა ინტერესები ან აშშ-სა და ამერიკელებთან დაკავშირებული ობიექტები მთელ მსოფლიოში სამიზნედ აირჩიონ, მათ შორის, ამერიკული კომპანიები და სხვა დაწესებულებები“.

საუდის არაბეთში საელჩომ „რთული უსაფრთხოების გარემოს“ შესახებ გააფრთხილა. გაფრთხილების თანახმად, „ირანის მიერ მხარდაჭერილი ჰუსიები საუდის არაბეთის წინააღმდეგ საბრძოლო მოქმედებებში მონაწილეობდნენ“. მათ შორის იყო თავდასხმები სამოქალაქო აეროპორტებსა და სხვა კრიტიკულ ინფრასტრუქტურაზე, რასაც მშვიდობიანი მოსახლეობის მსხვერპლი და მგზავრობის სერიოზული შეფერხება მოჰყვა.

გაფრთხილებაში ასევე ნათქვამია: „ირანმა და მისმა მხარდამჭერმა ჯგუფებმა შესაძლოა საზღვარგარეთ აშშ-ის სხვა ინტერესები ან აშშ-სა და ამერიკელებთან დაკავშირებული ობიექტები მთელ მსოფლიოში სამიზნედ აირჩიონ, მათ შორის, ამერიკული კომპანიები და სხვა დაწესებულებები“.

კატარში აშშ-ის საელჩომ კვირას მოქალაქეებს ოფიციალური გაფრთხილებებისა და ადგილობრივი მედიის თვალყურის დევნებისკენ მოუწოდა. საელჩომ მათ დემონსტრაციებისა და დიდი შეკრებებისგან თავის არიდება და ადგილობრივი ხელისუფლების მითითებების შესრულება ურჩია.

ავიაკომპანია Qatar Airways-მა ორშაბათს გამოაცხადა, რომ ერ-რიადისა და დამამის მიმართულებით ფრენებს 24 ოქტომბრამდე შეაჩერებს. კომპანია ჯედაში ყოველდღიური რეისების რაოდენობას შვიდიდან ოთხამდე შეამცირებს.