ბულგარეთმა დრონებით თავდასხმების შემდეგ ევროკავშირსა და ნატოს დახმარება სთხოვა

ცნობილია, რომ ერთ-ერთი გემი, „ალფა ვატანი“, თავდასხმის შემდეგ თითქმის მაშინვე, დაახლოებით სამ წუთში ჩაიძირა. სოფიის სამხედრო აკადემიის პროფესორმა დიმიტარ ნედიალკოვმა ბულგარულ ტელეარხ Nova-ს განუცხადა, რომ ასეთი მასშტაბური ზიანის გამომწვევი დრონი, სავარაუდოდ, 300 კილოგრამზე მეტი წონის ქობინით იყო აღჭურვილი. ტოგოს დროშით მცურავი „ალფა ვატანის“ ეკიპაჟის 12 წევრი ჯერ კიდევ დაკარგულად ითვლება.

მეორე გემი, „ეიბლი“, პალაუს დროშით თურქეთის ქალაქ სტამბოლში მარცვლეული მიჰქონდა, როცა დრონით თავდასხმის შემდეგ ხანძარი გაუჩნდა. ეკიპაჟის 18 წევრი გადაარჩინეს. წინასწარი გამოძიების თანახმად, გემზე დრონის ნარჩენები ვერ აღმოაჩინეს. მედიის ცნობით, „ეიბლმა“ ბულგარეთის წყლები უკვე დატოვა.

უკრაინის პრეზიდენტმა ვოლოდიმირ ზელენსკიმ თავდასხმებს „შავი ზღვის დასავლეთი ნაწილის ნაოსნობისთვის სრულიად გამოუსადეგარ სივრცედ გადაქცევის მიზნით რუსეთის ძალისხმევის კიდევ ერთი გამოვლინება“ უწოდა. ზელენსკის თქმით, ბულგარულ მხარესთან კონტაქტის შემდეგ დაადგინეს, რომ ეს რუსეთის კომბინირებული თავდასხმა იყო, რომელშიც საზღვაო და საჰაერო დრონები გამოიყენეს.