ლივერპულმა ტოტენჰემი სობოსლაის შესანიშნავი გოლით დაამარცხა

მაკალისტერის, გაკპოსა და სობოსლაის გოლებმა ტოტენჰემის შემადგენლობაში მადრიდის ატლეტიკოს ყოფილი მოთამაშის, გალაჰერის გოლი გადაფარა.

ტოტენჰემი, რომელიც გასულ სეზონში დაქვეითებას ბოლო მომენტში გადაურჩა, ჯერაც ვერ ათამაშდა. ეს იმის მიუხედავად მოხდა, რომ კლუბმა ამ ზაფხულს ტრანსფერებში 366 მილიონი ევრო დახარჯა. ბოლოდან მეოთხე ადგილზე მყოფ სპურსს პრემიერ-ლიგაში ჯერ გოლი არ გაუტანია. ამას გარდა, რობერტო დე ძერბის გუნდი ლიგის თასის მეთექვსმეტედფინალში ლივერპულთან 3:1 დამარცხდა და გათამაშებას გამოეთიშა.

ანდონი ირაოლას გუნდი 21-ე წუთზე უკვე იგებდა. ირაოლამ გიორგი მამარდაშვილი და რონალდ არაუხო, ამჯერად ცენტრალურ მცველად, ძირითად შემადგენლობაში დააყენა, ვიქტორ მუნიოსი კი სათადარიგოთა სკამზე დატოვა. სიღრმიდან ჩართულმა ალექსის მაკალისტერმა საჯარიმოს მისადგომებთან უპატრონოდ დარჩენილი ბურთი მიიღო და მარჯვენა ფეხით ზედა კუთხეში გაიტანა.

ლივერპულმა ტოტენჰემი სრულად დაჯაბნა და 54-ე წუთზე ანგარიში 2:0 გახადა. ხანგრძლივი კომბინაციის შემდეგ კოდი გაკპომ მაკალისტერისგან ბურთი მიიღო და მარჯვენა ფეხით შორეულ კუთხეში გაიტანა. ნიდერლანდელი კარგ ფორმაშია და ორი გოლი და სამი საგოლე გადაცემა აქვს.

კონორ გალაჰერმა 69-ე წუთზე სხვაობა შეამცირა. ატლეტიკოს ყოფილმა მოთამაშემ კუთხური მოიპოვა, შემდეგ კი მატეუს ფერნანდეშის მოწოდებულ ბურთს თავით კარში მიუჩინა ადგილი. თუმცა, ამან ვერაფერი შეცვალა. ლივერპულმა ტოტენჰემს საბოლოო დარტყმა 91-ე წუთზე მიაყენა. უნგრელმა დომინიკ სობოსლაიმ კოდი გაკპოსგან ბურთი მიიღო, მკერდით დაამუშავა და 35 მეტრიდან უძლიერესი დარტყმით მარტინ დუბრავკას აუღებელი გოლი გაუტანა.