Meta-მ Muse-ის ხელოვნური ინტელექტის მოწყობილობების კოდი გახსნა

Meta-მ ღია კოდად გამოაქვეყნა პროგრამული კოდი, რომლითაც მომხმარებლებს Muse-ის საკუთარი მოწყობილობების შექმნა შეუძლიათ. მათში კომპანიის ახალი ხელოვნური ინტელექტის აგენტი იმუშავებს. კომპანია რამდენიმე პროექტს გვთავაზობს: შეხსენებების საჩვენებლად Muse-ის ფერად ელექტრონული მელნის ეკრანზე გაშვებას, დიდ ეკრანზე გამოსატანად მის HDMI მოწყობილობაში დამატებას ან მცირე სენსორულ მოწყობილობაში მოთავსებას. ბოლო ვარიანტი თვითნაკეთ Muse Charm-ს ჰგავს.

Meta აცხადებს: „Muse-ის მოწყობილობები ღია კოდის მქონე მოწყობილობებია, რომლებსაც თავად აწყობთ. დააპროგრამეთ მზა ESP32 დაფა ან ჩვენი პროგრამული უზრუნველყოფის ნაკრებებით Raspberry Pi გამართეთ. შემდეგ Muse თქვენს ეკრანებს, ღილაკებს, სენსორებს, ამძრავებსა და სამუშაო მაგიდაზე დარჩენილ ნებისმიერ სხვა ნივთს დაუკავშირეთ“. თუმცა, Meta მომხმარებლებს აფრთხილებს: „მოქმედება საკუთარი რისკით გააგრძელეთ!“

კომპანია ასევე უფასოდ გასცემს მის მიერ შექმნილ Muse Home Link მოწყობილობას. Meta-ს თქმით, Muse Home Link მომხმარებლებს საშუალებას აძლევს, საზოგადოების მიერ შექმნილი ფუნქციებით ხელოვნური ინტელექტის აგენტს განათება ჩაართვევინონ, ტელევიზორი მართონ, დოკუმენტი პრინტერს გაუგზავნონ და სხვა მოქმედებები შეასრულებინონ. შესაძლებლობები მომხმარებლის მოწყობილობების გამართვაზეა დამოკიდებული. Meta Superintelligence Labs-ის წარმომადგენლის, ნატ ფრიდმენის თქმით, კომპანიამ 5 000 ასეთი მოწყობილობა დაამზადა. Muse Home Link-ის მისაღებად მომხმარებლებს უკვე შეუძლიათ მოლოდინის სიაში ადგილის მოთხოვნა. მიწოდება ამ თვეში დაიწყება.