რუმინეთში რუსი მოქალაქე დივერსიის მცდელობისთვის დააკავეს

საელჩომ აღნიშნა, რომ რუმინეთში ბინადრობის ნებართვის მქონე მოქალაქე სამშაბათს 30 დღით დააკავეს ქვეყნის ტერიტორიაზე „დივერსიის ჩადენის მცდელობის“ ეჭვით.

„რუმინეთის მედიაში გამოქვეყნებული ინფორმაციის მიხედვით, რომელიც რუმინეთის სახელმწიფო უსაფრთხოების სამსახურსა და სხვა სამართალდამცავ ორგანოებს ეყრდნობა, რუსს ბრალად ედება სამხედრო ინფორმაციის შეგროვება მგრძნობიარე ობიექტების ფოტო- და ვიდეოჩაწერით დივერსიისა და დივერსიული ქმედებების ორგანიზების მიზნით“, ნათქვამია განცხადებაში.

საელჩომ ხაზი გაუსვა, რომ გამოქვეყნებული მასალები „ვარაუდებს, სპეკულაციებსა და სხვადასხვა სახის ფანტაზიას“ შეიცავს.

„მათში არ არის კონკრეტული მონაცემები, რომლებიც დაადასტურებდა ჩვენი მოქალაქის საქმიანობის უკანონო ხასიათს ან რუსეთის სახელმწიფო ორგანოების ჩართულობას ამაში. იქმნება შთაბეჭდილება, რომ ჩვენი თანამემამულე კიდევ ერთი პროვოკაციის მსხვერპლი გახდა, რომელიც მიზნად ისახავს რუმინეთის საზოგადოებაში ანტირუსული განწყობების გაღვივებას“, ნათქვამია განცხადებაში.

საელჩომ განაცხადა, რომ ის მჭიდროდ ადევნებს თვალს მოვლენების განვითარებას და მზადაა რუს მოქალაქეს მიაწოდოს საჭირო საკონსულო და სამართლებრივი დახმარება.

„რუმინეთის ხელისუფლებას მისთვის შეხვედრის მოთხოვნა გაეგზავნა“, ნათქვამია განცხადებაში.

საელჩომ ხაზი გაუსვა, რომ ინციდენტი „კიდევ ერთხელ ადასტურებს, რომ დღეს რუსეთის მოქალაქეები ვერ გრძნობენ თავს უსაფრთხოდ, მაშინაც კი, როცა ისინი კანონიერად იმყოფებიან ევროკავშირის ქვეყნების ტერიტორიაზე“.

„ნებისმიერ მომენტში მათ რისკავენ, გახდნენ დასავლური სადაზვერვო სამსახურების უსაფუძვლო დევნისა და პროვოკაციების მსხვერპლნი“, ნათქვამია განცხადებაში.