რუსეთის იერიშს კიევში 21 წლის ქალი ემსხვერპლა

კიევის მერმა ვიტალი კლიჩკომ განაცხადა, რომ 19 ოქტომბრის ღამით რუსეთის ძალებმა კიევს ბალისტიკური რაკეტებით შეუტიეს. იერიშმა დესნიანსკისა და დნიპროვსკის რაიონებში შენობები დააზიანა. სამი ადამიანი დაშავდა, ხოლო 21 წლის ქალი დაიღუპა.

სოლომიანსკის რაიონში ნამსხვრევები 25-სართულიანი საცხოვრებელი კორპუსის პირველ სართულს მოხვდა. ხუთი ადამიანი დაშავდა. კლიჩკოს თქმით, მდინარე დნიპროს მარცხენა სანაპიროზე კიევის მეტროს ერთ-ერთი სადგურიც დაზიანდა, თუმცა დეტალები არ დაუკონკრეტებია. უკრაინის საგანგებო სიტუაციების სახელმწიფო სამსახურის ცნობით, იერიშის შედეგად ერთი ადამიანი დაიღუპა და რვა დაშავდა.

რადიო თავისუფლების უკრაინული სამსახურის ჟურნალისტმა ალექს რაუფოღლუმ თქვა, რომ უკრაინას კიევზე ბალისტიკური იერიშის შესახებ გაფრთხილება კვლავ არ მიუღია. აშშ-ის სახელმწიფო მდივანმა მარკო რუბიომ რაუფოღლუს შეკითხვას უპასუხა:

„ზუსტად არ ვიცი, რა მოხდა წუხელ. ვიცი, რომ რამდენიმე ღამის წინ მათ ადრეული გაფრთხილების სისტემაში პროგრამული პრობლემა იყო. ვიცი, რომ აშშ-ის ევროპული სარდლობა (EUCOM) საკითხის შესწავლაში მონაწილეობდა“, თქვა რუბიომ და დამატებით კომენტარზე უარი განაცხადა.