უკრაინელი ჯარისკაცი დრონით ევაკუაციამდე საკუთარ ფეხს თავად მოაჭრა

დრონით უკრაინის ფრონტის ხაზიდან გამოყვანილმა დაჭრილმა ჯარისკაცმა გადარჩენის სასოწარკვეთილი მცდელობისას მოყინული ფეხი მოიჭრა. ცნობების თანახმად, დრამატულ გადარჩენამდე ის ერთ წელზე მეტი ხნის განმავლობაში მარტო იყო სახიფათო ზონაში.

49 წლის კონსტანტინ ვლასენკო ისტორიაში პირველი ადამიანი გახდა, რომელიც ომის ზონიდან საფრენი დრონით გამოიყვანეს. რუსული უპილოტო საფრენი აპარატებისა და ნაღმების გამო ჩვეულებრივი გზით მისი გადარჩენა შეუძლებელი იყო.

უკრაინული გამოცემა „ობორონკას“ ცნობით, ამ თვეში ჩატარებული სამაშველო ოპერაციისთვის ექვს თვეზე მეტი ხნის განმავლობაში ემზადებოდნენ. მზადებაში მონაწილეობდნენ ვერტმფრენები, ელექტრონული ბრძოლისა და არტილერიის დანაყოფები და ადგილზე მყოფი დრონების ჯგუფი.

ჯარისკაცმა უკრაინულ გამოცემა „ობორონკას“ წარმატებული გადარჩენის შემდეგ უთხრა: „ფრენა მშვიდი იყო, ძირითადად მიდამოს ვათვალიერებდი. დაშვებისას თავი უსაფრთხოდ და შვებით ვიგრძენი, მალე ჩემს ოჯახს ვნახავდი. განსაკუთრებულ მადლობას ვუხდი ჩემს მომარაგებაზე პასუხისმგებელ მებრძოლს, მეტსახელად „ცაცი“, რომელიც გემრიელი საჭმელებით მანებივრებდა“.

კრივოი როგიდან მოხალისე მებრძოლი გასულ ზაფხულს უკრაინის 30-ე მექანიზებულ ბრიგადაში მსახურობდა. ცნობების თანახმად, ის ხარკოვის ოლქში 70 კვირის განმავლობაში იყო ჩარჩენილი და საკვებისა და სიგარეტის საჰაერო გზით ჩამოგდებაზე იყო დამოკიდებული. მას სტივენ კინგის რომანიც ჩამოუგდეს. ჯარისკაცი 4 ოქტომბერს გამოიყვანეს.

თავდაპირველად ვლასენკო და მისი თანამებრძოლი მდინარე ოსკილის მარცხენა სანაპიროზე იყვნენ განლაგებული. ისინი „ვერდენის“ სახელით ცნობილ პოზიციას ბეტონის სადრენაჟო მილიდან იცავდნენ, თუმცა ტერიტორია დაიტბორა და მიტოვებულ შენობაში გადასვლა მოუწიათ.

მეორე ჯარისკაცი 16 თებერვალს სარეზერვო პოზიციაზე გადასვლისას დაიღუპა. ვლასენკო სახიფათო ზონაში მარტო დარჩა. რუსმა სამხედროებმა მისი ადგილსამყოფელი იცოდნენ და ცდილობდნენ, ტანჯვით დანებებულიყო, თუმცა ქვეითმა მებრძოლმა უარი თქვა.

ვლასენკომ უკრაინულ გამოცემა „ფაქტებთან“ საუბრისას გაიხსენა, რომ რუსი სამხედროები ეუბნებოდნენ: „ძმაო, ვიცით, რომ აქ ხარ. შენი თანამებრძოლები არ დაგეხმარებიან“.

ქმარი და მამა მძიმედ დაიჭრა, როცა რუსულმა დრონმა საბრძოლო მასალა ჩამოუგდო. აფეთქებამ ორივე ფეხის ქვედა ნაწილი დაუზიანა. მარცხენა ტერფს მოგვიანებით ქსოვილები გაუკვდა, მარჯვენა ტერფი კი მან თავად მოიჭრა დანით.

ვლასენკომ უკრაინის პრეზიდენტის, ვოლოდიმირ ზელენსკის ოფიციალურ ფონდ „იუნაიტედ24“-ს უთხრა: „ცრემლები მომდიოდა. უნდა მომეჭრა. და მოვიჭერი“.