ვიტკოფი და კუშნერი ზელენსკის ნორვეგიაში შეხვდებიან

ფინეთის პრეზიდენტმა ალექსანდერ სტუბმა სამშაბათს დაადასტურა, რომ ზელენსკი ნორვეგიაში იმყოფება.

Axios-მა აშშ-ის ოფიციალურ პირზე დაყრდნობით დაწერა, რომ ზელენსკისთან მოლაპარაკებების შემდეგ ვიტკოფი მოსკოვში გაემგზავრება. ოფიციალური პირის თქმით, ვიტკოფს იმედი აქვს, რომ პრეზიდენტ ვლადიმერ პუტინს შეხვდება და მას წინადადებებს წარუდგენს. ვაშინგტონში თეთრ სახლს AFP-ის შეკითხვაზე თავდაპირველად პასუხი არ გაუცია.

ამასობაში, საბრძოლო მოქმედებები გრძელდება. ადგილობრივი ხელისუფლების ცნობით, ღამით კიევის რეგიონზე რუსეთის საჰაერო თავდასხმას სამი ადამიანი ემსხვერპლა, კიდევ ექვსი ადამიანი კი დაშავდა. ადგილობრივმა სამაშველო სამსახურმა Telegram-ზე განაცხადა, რომ რუსეთის შეიარაღებულმა ძალებმა უკრაინის დედაქალაქის შემოგარენში საწარმოო და სასაწყობე შენობა დაბომბეს. თავდასხმის შემდეგ შენობაში ხანძარი გაჩნდა. სამსახურის ცნობით, ხანძარი უკვე ჩააქრეს. რუსეთის მხარემ სამშაბათ დილით უკრაინაში ლოჯისტიკურ ცენტრებსა და სატვირთო გემებზე რამდენიმე წარმატებული თავდასხმის შესახებაც განაცხადა.

აშშ-ის პრეზიდენტს სურს, რომ უკრაინამ მისი წარუმატებელი ომის საფასური გადაიხადოს. თუმცა ევროპელებს ზემოქმედების ბერკეტები აქვთ, რომლებიც საბოლოოდ უნდა გამოიყენონ.

რედაქციის შენიშვნა: სტატიის ადრინდელ ვერსიაში ალექსანდერ სტუბი ნორვეგიის პრემიერ-მინისტრად იყო მოხსენიებული. სინამდვილეში, ეს თანამდებობა იონას გარ სტორეს უკავია, ხოლო სტუბი ფინეთის პრეზიდენტია. რედაქციამ შეცდომა გაასწორა.