ევრო 2032-ის მასპინძელი სტადიონების სიას ორი პროექტი გამოაკლდა

უეფა დარჩენილი 14 სტადიონიდან საბოლოოდ ხუთს შეარჩევს, რომლებიც 2032 წლის ზაფხულში მატჩებს უმასპინძლებენ. დანარჩენ ხუთ სტადიონს თურქეთი წარადგენს.

რომი ახლა ერთადერთი ქალაქია, საიდანაც განსახილველად ორი სტადიონი წარადგინეს. კრიტერიუმებს როგორც „სტადიო ოლიმპიკო“, ისე პიეტრალატას რაიონში დაგეგმილი „რომას“ ახალი სტადიონი აკმაყოფილებს.

თუმცა ნეაპოლმა მხოლოდ „სტადიო დიეგო არმანდო მარადონა“ წარადგინა. სიაში ვერ მოხვდა ახალი არენა, რომლის აშენებაც „ნაპოლის“ პრეზიდენტ აურელიო დე ლაურენტისს ქალაქის გარეთ სურს.

1 აგვისტოს წარდგენილ სიას ასევე გამოაკლდა „სტადიო ფლამინიო“, რომლის განახლებასაც „ლაციო“ რომში გეგმავს.

კანდიდატ ქალაქებად დარჩნენ ბარი, ბოლონია, კალიარი, ფლორენცია, გენუა, ლეჩე, მილანი, ნეაპოლი, პალერმო, რომი, სალერნო, ტურინი და ვერონა. ნეაპოლიდან კანდიდატი „სტადიო მარადონაა“, რომიდან კი „სტადიო ოლიმპიკო“ და პიეტრალატას არენა.

ბოლონიამ და ვერონამ ახალი სტადიონების პროექტები მხოლოდ დღეს წარადგინეს. ისინი იმედოვნებენ, რომ სტადიონები ევრო 2032-ისთვის დროულად მზად იქნება.