ინგლისის ფეხბურთის ასოციაციამ ჩელსის ბრალი წაუყენა

ინგლისის ფეხბურთის ასოციაციამ (FA) ჩელსის ბრალი წაუყენა. საქმე პრემიერ-ლიგის სეზონის დასაწყისში ფულემთან გამარჯვებისას გულშემატკივრების სავარაუდო დისკრიმინაციულ ქცევას ეხება.

24 აგვისტოს, კრეივენ კოტეჯზე 3:2 გამარჯვების შემდეგ, ჩელსიმ გულშემატკივრებს წერილი გაუგზავნა. კლუბმა აღნიშნა, რომ გულშემატკივართა „მცირე ნაწილის სექტანტურ შეძახილებზე რამდენიმე შეტყობინება“ მიიღო.

კლუბმა განაცხადა, რომ ნებისმიერ დისკრიმინაციულ შეძახილს გმობს. მისი ცნობით, დამნაშავედ ცნობილი გულშემატკივრების წინააღმდეგ „შესაძლო უმკაცრეს ზომებს“ მიიღებს.

FA-ს წარმომადგენელმა განაცხადა: „ჩელსის 24 აგვისტოს ფულემთან პრემიერ-ლიგის მატჩის მეცხრე წუთში FA-ს E21 წესის დარღვევა ედება ბრალად.

„კლუბმა, სავარაუდოდ, ვერ უზრუნველყო, რომ მისი მაყურებლები ან გულშემატკივრები შეუფერებლად, შეურაცხმყოფლად ან დამამცირებლად არ მოქცეულიყვნენ.

„ასევე ვარაუდობენ, რომ ეს ქცევა დისკრიმინაციული იყო, რადგან რელიგიას ან რწმენას პირდაპირ ან ირიბად ეხებოდა“.

2021 წელს ჩელსიმ დაგმო გულშემატკივრის ქმედება. სოციალური ქსელით გავრცელებულ მასალაში ის ასტონ ვილას შოტლანდიელ ფეხბურთელ ჯონ მაკგინს სექტანტური შეურაცხყოფით მიმართავდა.

პირველი ხუთი მატჩის შემდეგ ჩელსის შვიდი ქულა აქვს და პრემიერ-ლიგაში მე-10 ადგილზეა.