ტომ ბრედიმ ბირმინგემ სიტისთან კავშირი გაწყვიტა

NFL-ის ლეგენდამ ტომ ბრედიმ ჩემპიონშიპის ლიდერ ბირმინგემ სიტისთან კავშირი გაწყვიტა.

შვიდგზის სუპერბოულის რეკორდსმენმა ჩემპიონმა 2023 წლის აგვისტოში კლუბ „სენტ ენდრიუსში“ უმცირესობის წილი შეიძინა, როდესაც კლუბის მფლობელ კომპანია Knighthead Capital Management LLC-სთან პარტნიორობა დაიწყო.

ბრედის მოვალეობებში ბირმინგემის მრჩეველთა საბჭოს თავმჯდომარეობაც შედიოდა. კლუბის განცხადებით, მისი მისვლის შემდეგ ის „ინვესტირებასაც აპირებდა და საკუთარ დროსა და ფართო გამოცდილებასაც დაუთმობდა“.

თუმცა „ბირმინგემ სიტიმ“ მისი წასვლის შესახებ განცხადება გამოაქვეყნა, სათაურით „ტომ ბრედის წასვლა“.

კლუბმა დაამატა: „ბირმინგემ სიტის საფეხბურთო კლუბი გულწრფელ მადლობას უხდის ტომ ბრედის კლუბში მონაწილეობისთვის და ბოლო სამი წლის განმავლობაში მისი ურყევი მხარდაჭერისთვის.

„ნამდვილად შესანიშნავი იყო, რომ კლუბთან დაკავშირებული იყო ადამიანი, რომელსაც ტომის გამოცდილება და გატაცება აქვს. კლუბი მოუთმენლად ელის ამ საფუძველზე მუშაობის გაგრძელებას, საწვრთნელი ბაზიდან დაწყებული, ბირმინგემის საზოგადოებით დამთავრებული“.

ყოფილი კვოტერბეკი ბრედი, NFL-ის სამგზის ყველაზე ღირებული მოთამაშე, 2023 წლის თებერვალში, ლიგაში 23 სეზონის შემდეგ წავიდა სპორტიდან. მან „ნიუ ინგლენდ პატრიოტსთან“ ერთად სუპერბოულის ექვსი, ხოლო „ტამპა ბეი ბაკანირსთან“ ერთად ერთი ბეჭედი მოიგო.

სპორტული კარიერის დასრულების შემდეგ მან წილი შეიძინა „ლას-ვეგას რეიდერსში“ და WNBA-ის „ლას-ვეგას ეისის“ მფლობელთა ჯგუფის წევრიც გახდა.

ამასთან, ბრედი Fox Sports-ის NFL-ის მთავარ ანალიტიკოსადაც მუშაობს.

მისი წასვლის შემდეგ ბირმინგემ სიტი ჩემპიონშიპში გოლების სხვაობით პირველ ადგილზეა. გუნდს 15 მატჩის შემდეგ 29 ქულა აქვს.

„თავს ცოტა მოხუცად ვგრძნობ“, „პატრიოტსმა“ ბრედის 12 ფუტის სიმაღლის ქანდაკება წარადგინა