კრიშტიანუ რონალდუმ აზიის ჩემპიონთა ლიგა 0:4 მარცხით დაიწყო

პორტუგალიელი ჟოაუ ფელიქსთან, ინიგო მარტინესთან და მანესთან ერთად სასტარტო შემადგენლობაში იყო.

აზიის 2026-27 წლების ჩემპიონთა ლიგის დასაწყებად ამაზე უარესი გზა ძნელად წარმოსადგენია. კრიშტიანუ რონალდუს ალ-ნასრი (Al Nassr) არაბთა გაერთიანებული საამიროების ალ-აინთან (Al Ain) დიდი ანგარიშით, 0:4 დამარცხდა.

რაჰიმის ჰეთ-თრიკმა და გიაკუმაკისის კიდევ ერთმა გოლმა ანგე პოსტეკოღლუს გუნდს შანსი არ დაუტოვა. ავსტრალიელმა მწვრთნელმა კონტინენტური ტურნირის პირველ მატჩში ძირითადი ფეხბურთელებით დაკომპლექტებული გუნდი გამოიყვანა. სასტარტო შემადგენლობაში კრიშტიანუ რონალდუ, ჟოაუ ფელიქსი, მანე, სამუ კოშტა, სიმაკანი და ინიგო მარტინესი იყვნენ.

თუმცა, მას შემდეგ, რაც მატჩის 60-ე წუთის შემდეგ რაჰიმიმ ანგარიში 2:0 გახადა, საუდის არაბეთის გუნდს შანსი აღარ ჰქონია. მაროკოს ნაკრების ფეხბურთელმა რამდენიმე წუთში მატჩის ბედი გადაწყვიტა. შეხვედრის მიწურულს გამორჩეულმა რაჰიმიმ გიაკუმაკისს საგოლე გადაცემა გაუკეთა, რომელმაც საბოლოო ანგარიში დააფიქსირა.

თუმცა, ალ-ნასრისთვის, რომელიც წელს აზიის მთავარ საკლუბო ტურნირს დაუბრუნდა, ვითარება საგანგაშო არ არის. აზიის ჩემპიონთა ლიგის ფორმატი ევროპული ჩემპიონთა ლიგისას იმეორებს. ლიგის ეტაპზე 16 გუნდი თამაშობს, ხოლო აღმოსავლეთ ზონაში კიდევ 16 გუნდი ასპარეზობს. საუკეთესო რვა გუნდი მერვედფინალში გადის.