პიკფორდმა პრემიერ-ლიგაში მე-100 მშრალი მატჩი ჩაატარა

ჯორდან პიკფორდი მხოლოდ მე-19 მეკარე გახდა, რომელმაც პრემიერ-ლიგაში 100 ან მეტი მშრალი მატჩი ჩაატარა.

იგი ამ ჯგუფს შაბათს შეუერთდა, როცა ევერტონმა ტოტენჰემთან 0:0 ითამაშა.

პრემიერ-ლიგაში 200-ზე მეტი მშრალი მატჩი მხოლოდ ერთ მეკარეს აქვს ჩატარებული.

პეტრ ჩეხი 202 მშრალი მატჩით ლიგის სიის დამაჯერებელი ლიდერია. მას უახლოეს მდევარ დევიდ ჯეიმსზე 33-ით მეტი ასეთი მატჩი აქვს.

ჩეხეთის ნაკრების ყოფილ ფეხბურთელს პრემიერ-ლიგის რეკორდები კიდევ ორ მაჩვენებელში ეკუთვნის: ჩატარებულ მატჩებთან მიმართებით მშრალი შეხვედრების ყველაზე მაღალი პროცენტი და ზედიზედ ყველაზე მეტი მშრალი მატჩი.

ჩელსისა და არსენალის ყოფილმა მეკარემ 100 მშრალ მატჩსაც ყველაზე სწრაფად მიაღწია.

პიკფორდამდე ამ ჯგუფს ბოლოს ლივერპულის მეკარე ალისონი შეუერთდა. მან უმაღლეს დივიზიონში მე-100 მშრალი მატჩი 2026 წლის 1 იანვარს ჩაატარა, როცა ლივერპულმა ლიდსთან 0:0 ითამაშა.

პრემიერ-ლიგის მოქმედ მოთამაშეებს შორის 100-მატჩიან ნიშნულთან ყველაზე ახლოს ნიუკასლის მეკარე ნიკ პოუპია, რომელსაც 80 მშრალი მატჩი აქვს. თუმცა მას ამ სეზონში ჯერ არ უთამაშია, რადგან გუნდში პირველი მეკარის ადგილი ლუკაშ ჰორნიჩეკთან დაკარგა.

ვესტ ჰემის ყოფილი მეკარე ლუკაშ ფაბიანსკი 100-მატჩიან ნიშნულთან ახლოს მივიდა. თუმცა მან 2025-26 წლების სეზონი ტრავმის გამო გამოტოვა და კარიერა 92 მშრალი მატჩით დაასრულა.

მშრალი მატჩის ჩასათვლელად მეკარემ სრული შეხვედრა უნდა ჩაატაროს.

დევიდ ჯეიმსი, 169 (ლივერპული, პორტსმუთი, ასტონ ვილა, მანჩესტერ სიტი, ვესტ ჰემი)

მარკ შვარცერი, 151 (მიდლსბრო, ფულემი, ჩელსი, ლესტერ სიტი)

ნაიჯელ მარტინი, 137 (ლიდს იუნაიტედი, ევერტონი, კრისტალ პალასი)

ბრედ ფრიდელი, 132 (ლივერპული, ბლექბერნ როვერსი, ასტონ ვილა, ტოტენჰემი)

ედვინ ვან დერ სარი, 132 (მანჩესტერ იუნაიტედი, ფულემი)

პეტერ შმეიხელი, 128 (მანჩესტერ იუნაიტედი, მანჩესტერ სიტი, ფულემი)

ჯო ჰარტი, 127 (მანჩესტერ სიტი, ბირმინგემ სიტი, ვესტ ჰემი, ბარნლი)

შეი გივენი, 113 (ბლექბერნ როვერი, ნიუკასლ იუნაიტედი, მანჩესტერ სიტი, ასტონ ვილა)

იუსი იასკელაინენი, 108 (ბოლტონ უონდერერსი, ვესტ ჰემი)

თომას სორენსენი, 107 (ასტონ ვილა, სანდერლენდი, სტოკ სიტი)