სერია A: სავარაუდო შემადგენლობები და მატჩების ტელეტრანსლაცია

სერია A-ს მე-9 ტური დღეს იწყება. სატურნირო ცხრილის ლიდერი ლაციო სტუმრად სასუოლოს შეხვდება, რომა კალიარის უმასპინძლებს, კომო კი ტურინოს ესტუმრება.

სასუოლო-ლაციოს მატჩი თბილისის დროით 20:30 საათზე დაიწყება.

ლაციოს გულშემატკივრები საშინაო მატჩებს ბოიკოტს უცხადებენ და კლუბის მფლობელ კლაუდიო ლოტიტოს გუნდის გაყიდვას აიძულებენ. თუმცა, მათ ყველა გასვლითი მატჩის სტუმართა სექტორის ბილეთები სრულად გაყიდეს. დღეს რეჯო-ემილიაში, მაპეის სტადიონზე, ლაციოს 10 000-ზე მეტი გულშემატკივარი იქნება.

ლაციოს სავარაუდო ძირითად შემადგენლობაში ბევრი ცვლილება არ იქნება. Sky Sport-ის ცნობით, დაცვის ხაზში რამდენიმე საკითხი ჯერ კიდევ გასარკვევია. იოსიპ შუტალო, სავარაუდოდ, დაისვენებს, დიოგო ლეიტე კი პირველად დაიწყებს თამაშს.

სასუოლო შეტევაში იტალიის ნაკრების ფეხბურთელებს, დომენიკო ბერარდის და სებასტიანო ესპოზიტოს დაეყრდნობა.

სასუოლო (4-3-3): ტურატი; ჩინკეგრანო, კალეტა-კარი, ოდენტალი, დოიგი; ბაკოლა, ლიპანი, თორსტვედტი; ბერარდი, ესპოზიტო, ლორიანტე.

ლაციო (4-3-3): მანდასი; ფლორიანი მუსოლინი, შუტალო, დიოგო ლეიტე, ნუნუ ტავარეში; ფრატეზი, ბელაჰიანი, ტეილორი; ისაკსენი, ნოსლინი, ძაკანი.

სასუოლოს გუნდში ტრავმირებულები არიან ლეისენი, რუსო, კონე, ბოლოკა და იდზესი.

რომა-კალიარი: სავარაუდო შემადგენლობებისა და მატჩის ტელეტრანსლაციის შესახებ ინფორმაცია იხილეთ აქ.

კომოს შეტევაში არჩევანი შეზღუდული აქვს, რადგან მოიზე კინი, ხესუს როდრიგესი, ასან დიაო და მატია ლიბერალი ტრავმირებულები არიან. ნიკო პასი, სავარაუდოდ, ძირითად შემადგენლობას დაუბრუნდება. წინა მატჩში, სასუოლოს წინააღმდეგ, მან მთელი თამაში სათადარიგოთა სკამზე გაატარა.

ტურინომ ზედიზედ სამი მატჩი მოიგო. გუნდი შეტევაში ჩე ადამსისა და ჯოვანი სიმეონეს იმედად იქნება.

ტურინო (3-5-2): პერი; კოკო, ისმაილი, კომუცო; ბელღალი, ვლაშიჩი, ბრაგანცა, ფიც-ჯიმი, კაჩამანი; ადამსი, სიმეონე.

კომო (4-2-3-1): სანჩესი; კოუტო, რამონი, კემპფი, ვალე; პერონე, მილა, და კუნია, ნიკო პასი, ბატურინა; დუვიკასი.

ტურინოს ფეხბურთელებიდან ტრავმირებულები არიან ფორტინი, ილხანი, რიკარდო როდრიგესი და მანდრაგორა.

კომოს ფეხბურთელებიდან ტრავმირებულები არიან ხესუს როდრიგესი, კინი, დიაო, ჩალობა და ლიბერალი.

ტრანსლაცია: BBC Alba, BBC iPlayer, DAZN (გაერთიანებული სამეფო და ირლანდია), Paramount+ (აშშ).