ShinyHunters-ის სავარაუდო ლიდერი ნიდერლანდებში დააკავეს

ნიდერლანდების ხელისუფლება და FBI ეჭვმიტანილის ვინაობას არ ასახელებენ. თუმცა, Krebs on Security-სა და როიტერსის ცნობით, პოლიციამ პეპაინ ვან დერ სტაპი დააკავა. ნიდერლანდების სასამართლომ ის 2023 წელს მონაცემთა მოპარვისა და გამოძალვისთვის დამნაშავედ ცნო. Krebs on Security-ს ცნობით, ვან დერ სტაპი გასულ წელს ციხიდან გათავისუფლების შემდეგ ნიდერლანდების კიბერუსაფრთხოების კომპანია Neo Security-ში დასაქმდა. ShinyHunters-მა როიტერსს განუცხადა, რომ ვან დერ სტაპს დაჯგუფებასთან „არანაირი კავშირი“ არ აქვს.

FBI-ის კიბერდანაყოფის დირექტორის მოადგილემ ბრეტ ლეზერმანმა ეჭვმიტანილს დაჯგუფების ერთ-ერთი სავარაუდო ლიდერი უწოდა და დარჩენილი წევრები გააფრთხილა. ლეზერმანმა სამშაბათს გამოქვეყნებულ ვიდეოში თქვა: „რაც უფრო დიდხანს დარჩებით ამ საქმეში, მით მეტს გავიგებთ თქვენ შესახებ. თქვენ იცით, როგორ გვიპოვოთ, ჩვენ კი ვიცით, როგორ გიპოვოთ. გირჩევთ, პირველებმა დაგვიკავშირდეთ, სანამ არჩევანი ჯერ კიდევ თქვენზეა“.

ნიდერლანდების პოლიციის ცნობით, 24 წლის კაცს ასევე ეჭვმიტანილია „ორი მკვლელობის ჩადენისკენ წაქეზების მცდელობაში“. FBI-ის დირექტორმა კეშ პატელმა X-ზე დაწერა: „ამ წუთებშიც FBI-ის ჯგუფები პარტნიორებთან აქტიურად მუშაობენ, რათა ამ დაკავებაზე დაყრდნობით მიმდინარე გამოძიების ფარგლებში დამატებითი კვალის შესახებ ინფორმაცია მოიპოვონ და შესაბამისი ზომები გაატარონ“.