ხელოვნურ ინტელექტს 2031 წლისთვის $6 ტრილიონი დასჭირდება

Bain-ის კვლევა ამ დანაკლისის შესავსებად ოთხ შესაძლო მიმართულებას ასახელებს. კომპანიის თქმით, ხელოვნური ინტელექტის მოდელები საძიებო სისტემებს ანაცვლებს და ახალი შემოსავლის მისაღებად რეკლამას აერთიანებს. ამ გზით დეველოპერებმა შესაძლოა დამატებით $100 მილიარდიდან $200 მილიარდამდე მიიღონ.

მეორე მიმართულება ავტონომიური ავტომობილების, სატვირთო მანქანებისა და დრონებისთვის ხელოვნური ინტელექტის გამოყენებაა. Bain-ის შეფასებით, ამ და სხვა სამრეწველო ავტომატიზაციის ტექნოლოგიებს დაახლოებით $400 მილიარდის ღირებულების ახალი პროდუქტებისა და მომსახურებების შექმნა შეუძლია.

მსგავსი მიმართულებაა ფიზიკური ხელოვნური ინტელექტი, რომელშიც კომპანია სიმულაციებს, ციფრულ ორეულებსა და რობოტიკას აერთიანებს. Bain-მა ამ კატეგორიის შესაძლო ღირებულება $900 მილიარდამდე შეაფასა.

ეს სამი მიმართულება ჯამში $1,5 ტრილიონს შეადგენს, ამიტომ Bain-ის გათვლებში $2,7 ტრილიონის დანაკლისი რჩება. ხელოვნური ინტელექტის დარგმა დარჩენილი შემოსავალი საიდან უნდა მიიღოს? კომპანია პასუხად „ახალ პროდუქტებსა და გამოყენების გზებს ასახელებს, რომლებიც დღეს არ არსებობს“. ეს პასუხი იმდენად ზოგადია, რომ მას ნებისმიერი ადამიანი მოიფიქრებდა.

ამ კატეგორიაში Bain-მა ხელოვნური ინტელექტით მედიკამენტების აღმოჩენა და ფსიქიკური ჯანმრთელობის მხარდაჭერა მოაქცია. ამ უკანასკნელმა შესაძლოა მილიარდობით დოლარის დაუკმაყოფილებელი მოთხოვნა დაფაროს. ჩამონათვალშია მასალათმცოდნეობის მიღწევებიც, მათ შორის ბატარეების ტექნოლოგიასა და ნახევარგამტარებში. ასევე იგულისხმება ნეირომეცნიერებიდან თერმობირთვულ ენერგიამდე სამეცნიერო კვლევების დაჩქარება.

Bain-ის გლობალური ტექნოლოგიური მიმართულების თავმჯდომარემ დევიდ კროუფორდმა (David Crawford) განაცხადა: „დღევანდელი დებატები თანამშრომელთა პროდუქტიულობაზეა მიჯაჭვული. ხელოვნური ინტელექტის ინფრასტრუქტურის ეკონომიკა პროდუქტიულობის ზრდის მიღმა ტრილიონობით დოლარის ახალ შემოსავალს მოითხოვს. დარგს ინოვაციების ისეთი ტალღა სჭირდება, რომელთან შედარებითაც მობილური და ღრუბლოვანი ტექნოლოგიების შექმნილი შესაძლებლობები უმნიშვნელო გამოჩნდება“.

სულ ერთი წლის წინ Bain-ის წინა ანგარიში პროგნოზირებდა, რომ ინფრასტრუქტურის მუდმივი დაფინანსებისთვის დარგის შემოსავალს 2030 წლისთვის $2 ტრილიონისთვის უნდა მიეღწია. ახლა ეს მაჩვენებელი გასამმაგდა. ეს შესაძლოა მიუთითებდეს, რამდენად გაიზარდა ხელოვნურ ინტელექტში ჩადებული ინვესტიციები ბოლო 12 თვის განმავლობაში.

არსებობს საფუძველი ეჭვისთვის, რომ ხელოვნური ინტელექტის დარგი 2031 წლისთვის წლიურ $6 ტრილიონიან შემოსავალს ვერ მიაღწევს. The Register-მა არაერთი ანგარიში გამოაქვეყნა, რომელთა მიხედვითაც ხელოვნური ინტელექტის დანერგვა მოსალოდნელ შედეგს ვერ იძლევა.

ამავე დროს, ეჭვს იწვევს, განხორციელდება თუ არა ხელოვნური ინტელექტის ინფრასტრუქტურის ყველა პროექტი. საინვესტიციო ბანკ ჯეფერისის (Jefferies) ანგარიშის თანახმად, აშშ-ში 2026 წლისთვის დაგეგმილი მონაცემთა ცენტრების სიმძლავრის მხოლოდ ნახევარი შენდება. 2028 წლისთვის დაგეგმილი პროექტების 80%-ზე კი სამუშაო ჯერ არ დაწყებულა.

იმავე კომპანიის კიდევ ერთი ანგარიშის თანახმად, ჩიპების წარმოების შეზღუდვები მომდევნო რამდენიმე წლის განმავლობაში დაგეგმილი ხელოვნური ინტელექტის სერვერული ცენტრების ამოქმედებას შეაფერხებს.

თემებიდევიდ კროუფორდიAmazonGoogleMetaMicrosoftOracleThe Registerბეინ ენდ კომპანიომდიაჯეფერისი

გამოქვეყნდა 30 სექტემბერი, 2026