ვაშინგტონ პოსტი: აშშ და ევროპა ომის დასრულების ახალ გეგმას ამზადებენ

წინადადებამ საფუძველი უნდა შექმნას ტერიტორიების შესახებ საბოლოო შეთანხმებისთვის, რომელიც არცერთი მხარისთვის სრულად მისაღები არ იქნება.

მოლაპარაკებების მცოდნე ანონიმურმა ამერიკელმა ოფიციალურმა პირმა ვაშინგტონ პოსტს განუცხადა: „პრობლემაც და გამოსავალიც უნდა გავაფართოოთ, რათა ორივე მხარემ დაინახოს, როგორი იქნება ომისშემდგომი ვითარება, შემდეგ კი დათმობებზე წავიდეს“.

ოფიციალურმა პირმა განაცხადა, რომ გეგმას ოთხი ძირითადი კომპონენტი აქვს:

ვაშინგტონ პოსტის ცნობით, ევროპის ლიდერებმა საჯაროდ აღშფოთება გამოხატეს დონალდ ტრამპისა და ვლადიმერ პუტინის შეთანხმების გამო, რომელიც რუსული დიზელის მიწოდებას ეხება. ამის მიუხედავად, მათ გადაწყვეტილი აქვთ, გააგრძელონ დიპლომატიური პროცესი, რომელსაც აშშ-ის პრეზიდენტის წარმომადგენლები ჯარედ კუშნერი და სტივ უიტკოფი უძღვებიან. ანონიმურმა ევროპელმა დიპლომატმა გაზეთს განუცხადა: „ახლა ვითარების განმუხტვისა და სამუშაოს გაგრძელების დროა“.

როიტერსმაც დღეს გაავრცელა ინფორმაცია, რომ უიტკოფი და კუშნერი გასულ პარასკევს მაიამიში უკრაინის წარმომადგენლებს შეხვდნენ. ისინი ცდილობდნენ, დაერწმუნებინათ უკრაინული მხარე, რომ რუსეთთან ტრამპის შეთანხმება დიზელის შესახებ კრემლს მოლაპარაკების მაგიდასთან დააბრუნებდა.

ერთ-ერთმა წყარომ თქვა: „იდეა ის იყო, რომ აშშ რუსეთთან დაბრუნდებოდა და ეტყოდა: ‘ხედავთ, უკრაინელებმა დარტყმები შეწყვიტეს, ჩვენ კი ეს შეთანხმება შემოგთავაზეთ. ახლა თქვენი ჯერია, რამე გააკეთოთ’“.

თუმცა, იმავე შეხვედრაზე უიტკოფმა და კუშნერმა განაცხადეს, რომ პუტინი ომის დასრულებაზე მოსალაპარაკებლად მზად არ იყო. კრემლთან დაახლოებული წყაროს ცნობით, რუსეთის პრეზიდენტი მოლაპარაკებებს მხოლოდ დონბასის დარჩენილი ნაწილის დაკავების შემდეგ დაუბრუნდება.