Binance-ის 6,3 მილიარდი დოლარის გატეხვამ კრიპტოსაფულეების უსაფრთხოებაზე კითხვები გააჩინა

ბენ-ნატანმა აღნიშნა, რომ ხელოვნური ინტელექტის გამო კიბერუსაფრთხოების სფეროს ცვლილებასთან ერთად, მისი აზრით, კიბერშეტევები გახშირდება. თუმცა, ეს კრიპტოინდუსტრიას მხოლოდ გააძლიერებს.

მისი თქმით, საბოლოოდ კრიპტოსაფულე შესაძლოა თანხის შესანახად სხვა ვარიანტებზე უფრო უსაფრთხო ადგილად იქცეს, რადგან ინდუსტრია ამ თავდასხმებთან გამკლავების გამოცდილებას მიიღებს.

მნიშვნელოვანია, რომ Binance-ზე უსაფრთხოების ინციდენტი მის ოფშორულ პლატფორმაზე მოხდა, ხოლო მის რეგულირებულ, ცენტრალიზებულ ამერიკულ ბირჟას მსგავსი პრობლემა არ შეხებია. იგივე მოხდა Polymarket-ის ადგილობრივ ბირჟაზეც.

აშშ-ის რეგულირებულ პლატფორმებს, Coinbase-სა და Robinhood-საც, Binance-ზე მომხდარი უსაფრთხოების დარღვევა არ შეხებია. თუმცა, პარასკევს ორივე კომპანიის აქციები ინციდენტის შემდეგ დაეცა.

პარასკევს სი-ენ-ბი-სის გადაცემაში „სკვოკ ონ ზე სთრით“ გამოსვლისას, საქონლის ფიუჩერსებით ვაჭრობის კომისიის თავმჯდომარემ, მაიკლ სელიგმა, აღნიშნა, რომ მნიშვნელოვანია იმის გათვალისწინება, რომ ინციდენტები ოფშორულ პლატფორმებზე მოხდა. კომისია წარმოებულ ფინანსურ ინსტრუმენტებს არეგულირებს.

მან თქვა: „მათ არ აქვთ ისეთი დაცვის მექანიზმები, როგორიც ჩვენს ფინანსურ ბაზრებზეა. გვინდა, ამ ბირჟებს ფედერალური რეგულირების ვარიანტი შევთავაზოთ, რომ კომისიაში დარეგისტრირდნენ. ამ შემთხვევაში მათ იმავე კიბერუსაფრთხოების მოთხოვნების დაცვა მოუწევთ, რომლებიც დღეს ჩვენს ბაზრებზე მოქმედებს“.

ბრეტ ფალკმა, პენსილვანიის უნივერსიტეტის კრიპტოსა და საზოგადოების ლაბორატორიის პროფესორმა და დირექტორმა, თქვა, რომ აშშ-ის რეგულაციები, სავარაუდოდ, ხუთშაბათს Binance-ზე მომხდარ ინციდენტს ვერ შეაჩერებდა. Binance-მა X-ზე დაწერა, რომ კიბერშეტევა შესაძლოა DevOps-ის ინჟინრის გატეხილ ლეპტოპს უკავშირდებოდეს.

ფალკმა თქვა: „რეგულაციების უმეტესობა არ ეხება პროგრამული უზრუნველყოფის კონკრეტულ სისტემას, რომელიც ადამიანების ვინაობის დასადასტურებლად გჭირდებათ“.

Binance-მა მოგვიანებით სოციალურ ქსელში კიდევ ერთ პოსტში დაწერა, რომ გამოძიების შედეგად შეღწევის დამატებითი წერტილები გამოავლინა, თუმცა კომპანიას არ დაუკონკრეტებია, რა წერტილებზე იყო საუბარი.

ფალკი დაეთანხმა ბენ-ნატანის მოსაზრებას, რომ, სავარაუდოდ, ფიზიკური პირები ზარალს არ მიიღებენ. მისი თქმით, ტრეიდერებისთვის უმჯობესია თანხა ბირჟაზე დატოვონ, სადაც კომპანიას ზარალის ანაზღაურების ფინანსური შესაძლებლობა აქვს, და არა თვითმართვად საფულეში, საიდანაც კიბერშეტევის შემთხვევაში დანაკარგს ვერავინ აუნაზღაურებთ.

ბენ-ნატანმა დასძინა, რომ ტრეიდერებს უსაფრთხოების განცდა უნდა ჰქონდეთ, რადგან მისი მსგავსი კომპანიები უამრავ ინციდენტს აღმოაჩენენ, რომლებიც სიახლეებში არ ხვდება. ამის მიზეზი ისაა, რომ უსაფრთხოების ტექნოლოგია ხშირად მუშაობს და ინციდენტებს მანამდე აჩერებს, სანამ ისინი მასშტაბური გახდება.

თუმცა, ამ ექსპერტების თქმით, კიბერუსაფრთხოების ცვალებად გარემოში კრიპტოვალუტა ჰაკერებისთვის შესაძლოა განსაკუთრებულ სამიზნედ იქცეს. წარმატებული თავდასხმის შემთხვევაში, ადამიანებს დიდი ოდენობის ლიკვიდურ თანხაზე სწრაფად მიუწვდებათ ხელი.

ამიტომ ბლოკჩეინინფრასტრუქტურის კომპანია Global Settlement Network-ის აღმასრულებელი დირექტორი რაიან კირკლი მიიჩნევს, რომ ტრეიდერებმა ფრთხილად უნდა იყვნენ და თანხა დაზღვევის არმქონე საფულეში არ დატოვონ, სანამ ფინანსური კომპანიები უსაფრთხოების ინფრასტრუქტურას არ განაახლებენ.

კირკლიმ თქვა: „არ ვფიქრობ, რომ ამჟამად ბაზარზე არსებობს საერთო გადაწყვეტა, რომელიც თქვენს აქტივებს ნამდვილად უსაფრთხოდ შეინახავს“.

მან დასძინა: „თუ საქმე არ გაქვთ სანდო და მყარ ბროკერ-დილერთან, რომელიც აქტივებს აზღვევს, დღეს ნებისმიერ სისტემაში თანხის განთავსებით თქვენს აქტივებს რისკის ქვეშ აყენებთ, უბრალოდ იმიტომ, რომ ბევრი რამ უცნობია“.

თემებიიდო ბენ-ნატანიტაილერ მურიBinanceBlockaidCoinbasePolygonPolymarketRobinhoodდეპოზიტების დაზღვევის ფედერალური კორპორაციატულსის უნივერსიტეტი

გამოქვეყნდა 31 ოქტომბერი, 2026