ბორის ჯონსონმა რუსეთის აქტივების განბლოკვა მოითხოვა

ჯონსონმა აშშ-ის სოციალურ პლატფორმა X-ზე დაწერა: „არ ვიცი, რა დამახინჯებულმა ლოგიკამ უბიძგა პუტინს, დღეს დილით პოლონეთის საზღვარზე გაჩერებული უკრაინული ლოკომოტივი აეფეთქებინა“.

ჯონსონმა თავდასხმას „ერთგვარად შემთხვევითი და უაზრო“ უწოდა. მისი თქმით, უკრაინელები ამას „ყოველდღე უძლებენ, მათ შორის, სამოქალაქო რკინიგზაზეც“.

ჯონსონის განცხადებამდე გერმანულმა გაზეთმა შპიგელმა (Der Spiegel) ინციდენტის შესახებ ინფორმაცია გაავრცელა. გამოცემის ცნობით, კვირას კიევიდან პოლონეთისკენ მიმავალი, კერძო წესით დაქირავებული მატარებლიდან მგზავრების ევაკუაცია განახორციელეს. მატარებელში ევროპელი ოფიციალური პირები და ჯონსონი იმყოფებოდნენ. ევაკუაციის მიზეზი ახლომახლო რუსეთის დრონის თავდასხმა გახდა.

ჯონსონმა თქვა: „როდის მივცემთ მათ საჭირო საჰაერო თავდაცვას? რატომ არ ვხსნით პუტინის ფულს და არ ვაძლევთ უკრაინას?“ მან გაიხსენა, რომ ბელგიის საბანკო ანგარიშზე 140 მილიარდ ევროზე მეტი, ანუ 162 მილიარდი დოლარია. ლონდონში კი დაახლოებით 10 მილიარდი ფუნტი, ანუ 13,5 მილიარდი დოლარია.

ჯონსონმა განაცხადა: „უკრაინელები გაიმარჯვებენ. ეს მათ შესანიშნავ ქვეყანაში გატარებული ბოლო სამი დღის შემდეგ ცხადი გახდა“.

თუმცა, ჯონსონმა აღნიშნა, რომ „საშინელი ომი“ ბევრად სწრაფად დასრულდებოდა, თუ ყველა საკითხს სერიოზულად მოეკიდებოდა და უკრაინას მისთვის საჭირო და დამსახურებულ დახმარებას მისცემდა.