მაკრონი უკრაინას დრონების მოგერიებაში დახმარებას დაჰპირდა

მაკრონმა აშშ-ის სოციალური მედიის კომპანია X-ზე დაწერა: „ახლახან პრეზიდენტ ზელენსკის ვესაუბრე, რათა კიდევ ერთხელ დამედასტურებინა საფრანგეთის სოლიდარობა და სრული მხარდაჭერა უკრაინისადმი, რომელიც რუსეთის აგრესიული ომისგან თავს იცავს“.

მაკრონმა განაცხადა, რომ რუსეთი ცეცხლის შეწყვეტის მოწოდებებს „ჯიუტად“ უარყოფდა. მისი თქმით, რუსეთმა ინფრასტრუქტურასა და სამოქალაქო ობიექტებზე დარტყმების გაძლიერება გადაწყვიტა, „რითაც საერთაშორისო ჰუმანიტარული სამართლის ყველაზე ფუნდამენტურ პრინციპებს არღვევს“.

მაკრონმა თქვა: „საფრანგეთი და ევროპა უკრაინის მხარდასაჭერად პასუხისმგებლობის შესრულებას გააგრძელებენ. ისინი ყველა შესაძლებლობას გამოიყენებენ სამოქალაქო მოსახლეობის დასაცავად, საომარი მოქმედებების შესამცირებლად და სამართლიანი და მდგრადი მშვიდობის იდეის წინსვლისთვის“.

მაკრონის თქმით, მან და ზელენსკიმ განიხილეს „კონკრეტული მხარდაჭერა, რომელიც უკრაინას დრონების მოგერიებასა და რუსეთის აგრესიისთვის წინააღმდეგობის გაწევაში დაეხმარება“.

მაკრონმა დასძინა: „არც რუსეთის დაშინებას დავემორჩილებით და არც მის ესკალაციას. მან არ უნდა შეცდეს: დრო მის წინააღმდეგ მუშაობს“.