ჩინეთი ტრამპის, სი ძინპინისა და პუტინის შესაძლო შეხვედრაზე მოლაპარაკებებს ადასტურებს

ჩინეთმა პირველად დაადასტურა, რომ სი ძინპინის, დონალდ ტრამპისა და ვლადიმერ პუტინის შესაძლო სამმხრივ შეხვედრაზე მოლაპარაკებებს აწარმოებს.

ჩინეთის საგარეო საქმეთა სამინისტროს სპიკერმა მაო ნინგმა ბრიფინგზე განაცხადა: „ჩინეთი პოტენციურ შეხვედრასთან დაკავშირებით, რომელშიც ჩინეთის, რუსეთისა და აშშ-ის ლიდერები მიიღებენ მონაწილეობას, შესაბამის მხარეებთან კომუნიკაციას ინარჩუნებს“.

შეხვედრა შესაძლოა APEC-ის სამიტზე გაიმართოს. სამიტი შენჟენში 18-19 ნოემბერს ჩატარდება.

ბლუმბერგის ცნობით, განცხადება, რომელიც მოსალოდნელ შეხვედრამდე ორი კვირით ადრე გაკეთდა, მიანიშნებს, რომ პეკინი მის გამართვას მართლაც მზადაა.

უოლ სტრიტ ჯორნალის ცნობით, პუტინმა ტრამპს სამმხრივი შეხვედრის იდეა 9 ოქტომბერს, სატელეფონო საუბრისას შესთავაზა. გამოცემის ცნობით, რუსეთის პრეზიდენტს ამ ფორმატის გამოყენება სურს, რათა რუსეთისთვის ხელსაყრელი პირობებით ომის დასრულებაზე შეთანხმებას მიაღწიოს.

ტრამპმა საჯაროდ განაცხადა, რომ ასეთი შეხვედრის გამართვისთვის მზადაა, თუმცა მასზე, პირველ რიგში, ბირთვულ განიარაღებაზე სურს საუბარი და არა რუსეთ-უკრაინის ომზე.