ირანის მთავარი მომლაპარაკებელი ამბობს, რომ ამერიკელებმა „ომს არა“ უთხრეს

ცალკე შემთხვევის შესახებ ბრიტანეთის საზღვაო სავაჭრო ოპერაციების ცენტრმა განაცხადა. მისი ცნობით, სამშაბათს საღამოს, ომანის მუსანდამის ნახევარკუნძულზე, ლიმაჰიდან დაახლოებით 14 საზღვაო მილის (26 კმ-ის) ჩრდილო-აღმოსავლეთით, ნავთობმზიდს ორი უცნობი ჭურვი მოხვდა. ცენტრმა დასძინა, რომ დაშავებულების შესახებ ინფორმაცია არ გავრცელებულა.

ორშაბათს, ლიმაჰიდან ჩრდილო-აღმოსავლეთით მომხდარი თავდასხმისას, ინდოელი მეზღვაური დაიღუპა. ის ხის მცურავ ნავზე, დაუზე მსახურობდა. ომანის ხელისუფლებამ ეკიპაჟის კიდევ 13 წევრი გადაარჩინა.

ირანის გვარდიამ ოთხშაბათს ასევე განაცხადა, რომ მისმა ძალებმა ჰორმუზის სრუტის თავზე კიდევ ერთი ამერიკული MQ-9 დრონი ჩამოაგდეს.

მსგავსი განცხადება მან ორშაბათს ღამითაც გააკეთა. მაშინ ამერიკელმა ოფიციალურმა პირებმა განაცხადეს, რომ აშშ-ის სამხედროებმა ირანის კუნძულ ქეშმზე შეზღუდული იერიშები მიიტანეს, მას შემდეგ, რაც გვარდიამ ამერიკულ თვითმფრინავს ცეცხლი გაუხსნა.

შუალედური არჩევნები აშშ-ში: დემოკრატებმა ისტორიულ ღამეს ტრამპის მთავარ საყრდენ რეგიონშიც გაიმარჯვეს

შუალედურ არჩევნებამდე ფაინენშალ ტაიმსთან ინტერვიუში ტრამპმა მიანიშნა, რომ კონფლიქტის მდგომარეობით კმაყოფილი იყო. მან ასევე თქვა, რომ ამას „ნამდვილ ომად“ არ მიიჩნევდა.

როცა გაზეთმა ჰკითხა, რას ფიქრობდა ისრაელის პრემიერ-მინისტრ ბენიამინ ნეთანიაჰუს „ძლიერ მინიშნებებზე“, რომ ამ კვირაში ირანზე იერიში მიიტანებოდა, ტრამპმა უპასუხა: „მზად ვართ, თუ წასვლა დაგვჭირდება, მაგრამ შესაძლოა, ამის საჭიროება არ იყოს“.

კონფლიქტის დასრულების შესახებ არაპირდაპირი მოლაპარაკებები თვეების განმავლობაში ჩიხშია.

პრეზიდენტმა მასუდ ფეზეშკიანმა სამშაბათს კვლავ განაცხადა, რომ მისი მთავრობა კრიზისის „დიალოგის გზით“ მოგვარებას ცდილობდა.

მან გააფრთხილა, რომ ომის განახლების შემთხვევაში „ამით არავინ იხეირებს“.

ფეზეშკიანმა ასევე აღნიშნა, რომ ირანის უზენაესმა ლიდერმა მთავრობას მოლაპარაკების უფლებამოსილება მისცა იმ საკითხებზე, რომლებსაც მანამდე „შეუხებლად მიიჩნევდა“.

ირანის საგარეო საქმეთა სამინისტროს პრესსპიკერმა ესმაილ ბაღაიმ ორშაბათს განაცხადა, რომ კატარის შუამავლობით მიმდინარე არაპირდაპირი მოლაპარაკებების საფუძვლად კვლავ რჩებოდა შვიდსაფეხურიანი წინადადება, რომელიც ირანმა სექტემბერში წარადგინა. თუმცა მან დასძინა, რომ წინადადება „შემოკლდა და მისი განხორციელება ორ დღეში გახდა შესაძლებელი“.

ჰორმუზის სრუტით, როგორც წესი, მსოფლიოში გადაზიდული ნავთობისა და გაზის მეხუთედი გადის. ირანის ომის დაწყების შემდეგ სრუტე ფაქტობრივად ჩაიკეტა, რადგან ირანი კომერციულ გემებს რაკეტებითა და დრონებით ესხმოდა თავს, აშშ კი საზღვაო ბლოკადას აწესებდა.

ივნისში აშშ-მა და ირანმა ომის დასრულებისა და სრუტის გახსნის შესახებ წინასწარ შეთანხმებას მიაღწიეს. თუმცა რამდენიმე კვირაში შეთანხმება ჩაიშალა, როცა ირანმა გემებზე თავდასხმები განაახლა, აშშ-მა კი ბლოკადა აღადგინა.

ირანი ამტკიცებდა, რომ სრუტეზე კონტროლის გარკვეულ ხარისხზე უარს არ იტყოდა. მან დაიწყო იმ გემებზე თავდასხმა, რომლებიც ომანის წყლებში გამავალ სამხრეთის მარშრუტს იყენებდნენ და ირანის წყლებში გამავალ მისთვის სასურველ მარშრუტს არიდებდნენ თავს.

სპარსეთის ყურის არაბული ქვეყნების ექსპორტის შეუფერხებლად გასაგრძელებლად, აშშ-ის სამხედროები ჰორმუზის სრუტეში ნავთობის გადამზიდავ ნავთობმზიდებს დაცვას უწევდნენ.

თემებიბენიამინ ნეთანიაჰუდონალდ ტრამპიმასუდ ფეზეშკიანიმოჯთაბა ხამენეიმოჰამედ ბაღერ ღალიბაფიაშშირანიისრაელიომანიჰორმუზის სრუტე

გამოქვეყნდა 4 ნოემბერი, 2026