ევროკავშირისა და ჩინეთის ვაჭრობის ხელმძღვანელები მოლაპარაკებებს გამართავენ

ევროკომისიის პრესსპიკერმა პოლიტიკოს (POLITICO) დაუდასტურა, რომ ვაჭრობის საკითხებში ევროკომისარი მაროშ შეფჩოვიჩი ხუთშაბათს ჩინელ კოლეგა ვან ვენტაოსთან ვიდეოკონფერენციას გამართავს.

ევროკომისიის პრესსპიკერის მოადგილე ოლოფ გილმა ორშაბათს განაცხადა, რომ საუბარი 17 სექტემბერს გაიმართება.

ბრიუსელმა ზაფხულში ჩინელ ოფიციალურ პირებთან ურთიერთობა გაააქტიურა. ის ცდილობს, აზიურ გიგანტთან ევროკავშირის დღეში დაახლოებით 1 მილიარდი ევროს სავაჭრო დეფიციტი შეამციროს. ევროკავშირის აღმასრულებელ ორგანოს ზეწოლა ემატება, რათა პეკინთან გააქტიურებული ურთიერთობის შედეგები ევროკავშირის ლიდერების ოქტომბრის შუა რიცხვებში დაგეგმილ სამიტზე წარადგინოს.

საუბარი ევროკომისიის პრეზიდენტ ურსულა ფონ დერ ლაიენის ყოველწლიური გამოსვლიდან ერთი დღის შემდეგ გაიმართება. მოსალოდნელია, რომ გამოსვლაში ის ევროკავშირის სამრეწველო ბაზისთვის ჩინეთისგან მომდინარე საფრთხეს შეეხება.

ევროკომისიის გავლენიანი ოფიციალური პირების დელეგაცია, რომელსაც ვაჭრობის გენერალური დირექტორი დიტე იულ იორგენსენი უხელმძღვანელებს, მომავალ კვირას ჩინეთში გაემგზავრება. თავად შეფჩოვიჩი პეკინში ოქტომბრის დასაწყისში ჩავა.

ჩინეთის ვაჭრობის მინისტრთან ვიდეოკონფერენციის შემდეგ შეფჩოვიჩი ევროპელი აღმასრულებელი დირექტორების მოსაზრებებს მოისმენს. ევროკომისია კრიტიკულად მნიშვნელოვანი მიწოდების ჯაჭვების ჩინეთზე დამოკიდებულების შემცირებას ცდილობს. შეფჩოვიჩი მათთან სამომავლო „დივერსიფიკაციის შესაძლო ინსტრუმენტსაც“ განიხილავს.