უეფა ნაკრებებისთვის ჩემპიონთა ლიგის მსგავს ფორმატს შემოიღებს

ევროპისა და მსოფლიოს ჩემპიონატებზე მოსახვედრი შესარჩევი ეტაპების მხრივ, უეფა კატეგორიებად დაყოფილ სტრუქტურას შემოიღებს. პირველ ლიგაში სულ 36 ნაკრები იქნება, რომლებიც ერთა ლიგის A და B კატეგორიებიდან მოხვდებიან. მეორე ლიგაში კი დარჩენილი 18 ან 19 ნაკრები ითამაშებს.

პირველი ლიგა 12-ნაკრებიან სამ ჯგუფად დაიყოფა. ნაკრებებს სამი კალათიდან შეარჩევენ. თითოეული ნაკრები ექვს სხვადასხვა მეტოქესთან შინ და სტუმრად ექვს მატჩს გამართავს. თითოეული კალათიდან მას ორი მეტოქე შეხვდება. ეს ფორმატი ძალიან ჰგავს მოდელს, რომელსაც საკლუბო ტურნირებზე იყენებენ.

მეორე ლიგის გათამაშება ერთა ლიგის C ლიგის ანალოგიურად გაიმართება. ის ექვს ან შვიდნაკრებიან სამ ჯგუფად დაიყოფა. პირველი ლიგის თითოეულ ჯგუფში საუკეთესო ადგილებზე გასული ნაკრებები ტურნირებზე პირდაპირ გავლენ. დარჩენილი ადგილებისთვის კი ნაკრებები პლეი-ოფის სისტემით იბრძოლებენ.

ნაკრებთა ფეხბურთში ამ ცვლილების გარდა, უეფამ ისიც გამოაცხადა, რომ 2029 წლის ჩემპიონთა ლიგის ფინალი უემბლის ნაცვლად კამპ ნოუზე გაიმართება. 2027 და 2028 წლების ჩემპიონთა ლიგის ფინალებს, შესაბამისად, მეტროპოლიტანო და მიუნხენი უმასპინძლებენ.