ჩრდილოეთ კორეა FBI-ის ბრალდებებს უარყოფს და რაკეტებს გამოსცდის

გაეროს 2024 წლის ანგარიშის თანახმად, ჩრდილოეთ კორეის კიბერშეტევებით მიღებული შემოსავალი, გავრცელებული ინფორმაციით, მასობრივი განადგურების იარაღის შექმნას ხმარდებოდა.

ჩრდილოეთ კორეამ ორშაბათს სტრატეგიული ფრთოსანი რაკეტები გამოსცადა, რომლებსაც კასეტური საბრძოლო ქობინი ჰქონდა. ამის შესახებ სამშაბათს კორეის ცენტრალურმა საინფორმაციო სააგენტომ (KCNA) გაავრცელა ინფორმაცია.

KCNA-ს ცნობით, საშუალო ზომის გამფანტავი ქობინი ფრთოსან რაკეტაზე იყო დამონტაჟებული და მისი მაქსიმალური სიმძლავრით 5-დან 6 ჰექტრამდე სამიზნე ტერიტორიის ფერფლად ქცევა შეუძლია.

სააგენტოს ცნობით, გამოცდამ სრულყო სამიზნეზე ვერტიკალური დარტყმის შესაძლებლობა, რადგან გაუმჯობესდა ფრთოსანი რაკეტის საბოლოო მანევრირება.

ჩრდილოეთ კორეელმა ოფიციალურმა პირმა თქვა, რომ გამოცდა ჩატარდა, რადგან ქვეყნის შეიარაღებულმა ძალებმა ქვეყნის უსაფრთხოება უნდა დაიცვან და ყველანაირი საფრთხე შეაკავონ.

ჩრდილოეთ კორეა აჩვენებს, რომ ერთი ფრთოსანი რაკეტით სამხრეთ კორეისა და აშშ-ის საკვანძო სამხედრო ინფრასტრუქტურის განადგურება შეუძლია. მათ შორისაა აეროდრომის ასაფრენი ბილიკები, რადარის ბაზები, საჰაერო თავდაცვის დანადგარები და განლაგებული ჯარები. ამის შესახებ AFP-ს კიონგნამის უნივერსიტეტის შორეული აღმოსავლეთის კვლევების ინსტიტუტის პროფესორმა, ლიმ იულ-ჩულმა განუცხადა.

მისი თქმით, გამოცდის კიდევ ერთი მიზანია სამხრეთ კორეის ორმაგი შეკავება, ჩვეულებრივი ასიმეტრიული დარტყმის შესაძლებლობების გაძლიერებით, ბირთვული იარაღის გამოყენებამდე.

ბირთვული იარაღის მქონე ჩრდილოეთ კორეამ ცოტა ხნის წინ სხვადასხვა იარაღი გამოსცადა, მათ შორის თავდასხმის დრონები, ზუსტი დამიზნების ახალი ტორპედოს სისტემა და საშუალო სიშორის ჰიპერბგერითი რაკეტა.

სამხრეთ კორეის სამხედროებმა ფრთოსანი რაკეტის გამოცდა არ გაასაჯაროეს. მათ არც კვირას ჩატარებული გამოცდის შესახებ განუცხადებიათ.

გაეროს უშიშროების საბჭოს სანქციები ჩრდილოეთ კორეას ბალისტიკური რაკეტების გამოცდას უკრძალავს, თუმცა ფრთოსანი რაკეტების გამოცდას არა.

ორშაბათს, კვირას ჩატარებული სავარაუდო გამოცდის შესახებ შეკითხვის პასუხად, გაერთიანებული შტაბების წარმომადგენელმა ჩანგ დო-იონგმა თქვა, რომ სამხრეთ კორეა და აშშ „მჭიდროდ თანამშრომლობენ და მისი მახასიათებლებისა და სპეციფიკაციების დეტალურ ანალიზს ატარებენ“.

ჩანგის თქმით, სამხრეთ კორეის სამხედროები ჩრდილოეთ კორეის მიერ გაშვებულ ყველა ჭურვზე ინფორმაციას არ ავრცელებენ. მან მიზეზად ოპერატიული უსაფრთხოება და სადაზვერვო რესურსების დაცვა დაასახელა.

თემებიკიმ იო ჩჟონიკიმ ჩენ ინიმაიკლ ბოსაკიAFPBinanceBybitParley Policy InstituteTraderTraitorგამოძიების ფედერალური ბიურო (FBI)ჩრდილოეთ კორეა

გამოქვეყნდა 3 ნოემბერი, 2026