სი ძინპინის ვიზიტს ტრამპი აეროპორტში დახვდება

ამასთან, ტრამპის ხელოვნურ ინტელექტზე დაფუძნებული ხედვა თეთრი სახლის ახალი საბანკეტო დარბაზის სახურავზე დრონების პორტის მოწყობას ითვალისწინებს. გეგმა რაკეტებით აღჭურვილ უპილოტო საფრენ აპარატებსა და შეიარაღებულ სამხედროებს მოიცავს. თუმცა აქამდე ცნობილი არ ყოფილა, რომ რამდენიმე ასეული ფუტის მოშორებით დრონების პორტი უკვე ჩუმად მუშაობს. მას აშშ-ის საიდუმლო სამსახური (U.S. Secret Service) მართავს და არა სამხედრო უწყება.

ტაივანი სი ძინპინისა და ტრამპის შეხვედრას ყურადღებით აკვირდება და აშშ-ისგან იარაღის მიყიდვის გაგრძელებას ელის

სი ძინპინის ვაშინგტონში ჩასვლისა და პრეზიდენტ ტრამპთან შეხვედრის წინ ტაივანმა რწმენა გამოთქვა, რომ აშშ კუნძულისთვის იარაღის მიყიდვას გააგრძელებს. პეკინი ტაივანს საკუთარ ტერიტორიად მიიჩნევს და ვაშინგტონზე ზეწოლას ახორციელებს.

ჩინეთი ვაშინგტონს იარაღის მიყიდვის შეწყვეტისკენ მოუწოდებდა. ეს საკითხი განსაკუთრებით აქტუალური მაისში, პეკინში ტრამპისა და სი ძინპინის სამიტზე იყო. შეხვედრის შემდეგ აშშ-მა რეკორდული, 14 მილიარდი დოლარის ღირებულების პაკეტის გაყიდვა შეაჩერა. ტრამპმა ტაივანისთვის იარაღის მიყიდებას ჩინეთთან მოლაპარაკებების „ძალიან კარგი ბერკეტი“ უწოდა.

ტაივანის თავდაცვის სამინისტროს პრესმდივანმა, გენერალ-მაიორმა ჩიაო ფუ-ჩუნმა, სამხრეთის ქალაქ ტაინანში ჟურნალისტებს განუცხადა, რომ აშშ-ის მთავრობამ და კონგრესმა ტაივანის თავდაცვით შესაძლებლობებს მხარდაჭერა არაერთხელ გამოუცხადეს.

ტრამპი აცხადებს, რომ საბანკეტო დარბაზში დრონების პორტი განთავსდება. საიდუმლო სამსახურს მეზობლად უკვე აქვს ასეთი ობიექტი

ტრამპის ხელოვნურ ინტელექტზე დაფუძნებული ხედვა თეთრი სახლის ახალი საბანკეტო დარბაზის თავზე დრონების პორტის მოწყობას გულისხმობს. გეგმა რაკეტებით აღჭურვილ უპილოტო საფრენ აპარატებსა და შეიარაღებულ სამხედროებს მოიცავს. მათი სავარაუდო დანიშნულება 18 აკრის ფართობის კომპლექსისა და ქვეყნის დედაქალაქის დაცვაა.

რამდენიმე ასეული ფუტის მოშორებით დრონების პორტი უკვე ჩუმად მუშაობს. მას აშშ-ის საიდუმლო სამსახური მართავს და არა სამხედრო უწყება. მცირე უპილოტო საფრენი აპარატები კამერებითა და სენსორებით პოტენციურ საფრთხეებს ჰაერიდან აკვირდებიან. ისინი ოთხ ნაცრისფერ, ამინდის ზემოქმედებისგან დაცულ ყუთში მზადყოფნაში დგანან, ვიდრე ოფიცრები მათ გამოყენებას უბრძანებენ.

უწყება იყენებს მოდელს, რომელსაც „დრონი, როგორც პირველი რეაგირების საშუალება“ ეწოდება. სწრაფი, შეუიარაღებელი დრონები გარე სადგურებიდან ფრენას იწყებენ და მფრინავი კამერების ფუნქციას ასრულებენ. ეს მოდელი აშშ-ის ასობით პოლიციურმა უწყებამ დანერგა. მათ ხშირად ხელოვნური ინტელექტის პროგრამული უზრუნველყოფა მართავს, რომელიც დაბრკოლებების თავიდან აცილებასა და სამიზნეების თვალთვალს უწყობს ხელს.